நாளை 8 மணிக்கு வாக்கு எண்ணிக்கை

தமிழகத்தில் வாக்குப்பதிவு நடந்து முடிந்த 232 தொகுதிக ளுக்கான வாக்கு எண்ணிக்கை நாளை காலை 8 மணிக்கு தொடங்குகிறது.

தமிழகத்தில் அரவக்குறிச்சி, தஞ்சை தவிர 232 சட்டப்பேரவை தொகுதிகளுக்கான வாக்குப்ப திவு கடந்த 16-ம் தேதி நடந்த து. வாக்குப்பதிவு முடிந்ததும், மின்னணு இயந்திரங்கள் சீலி டப்பட்டு, வாக்கு எண்ணிக்கை மையங்களில் பாதுகாப்பாக வைக் கப்பட்டுள்ளன.

இலங்கையில் கனமழையால் வெள்ளப்பெருக்கு: உயிரிழந்தோர் எண்ணிக்கை 11 ஆக அதிகரிப்பு- 2 லட்சத்துக்கும் மேற்பட்டோர் பாதிப்பு.

இலங்கையில் தொடர்ந்து பெய்துவரும் கனமழை மற்றும் வெள்ளப்பெருக்கு காரணமாக 2 லட்சத்துக்கும் மேற்பட்டோர் பாதிக்கப்பட்டுள்ளனர். இதுவரை 11 பேர் பலியாகி உள்ளனர்.

இதுகுறித்து பேரிடர் நிர்வாகத் துறை செய்தித் தொடர்பாளர் பிரதீப் கொடிப்பிலி கூறியதாவது:

கடந்த சில நாட்களாக பெய்து வரும் கனமழையால் ஏற்பட்டுள்ள வெள்ளப்பெருக்கு மற்றும் நிலச்சரிவு காரணமாக, மொத்தம் உள்ள 25-ல் 19 மாவட்டங்கள் கடுமையாக பாதிக்கப்பட்டுள்ளன. 47,922 குடும்பங்கள் அல்லது 2 லட்சத்து 7 ஆயிரத்து 556 பேர் வீடுகளை இழந்து தவிக்கிறார்கள்.

இதில் 1.34 லட்சம் பேர் 176 தற்காலிக முகாம்களில் தங்க வைக்கப்பட்டுள்ளனர். சுமார் 68 வீடுகள் முற்றிலும் இடிந்து தரைமட்டமாயின. மரங்கள் வேரோடு சாய்ந்ததுடன், மின்சார கம்பிகள் சேதமடைந்துள்ளதால் போக்குவரத்து பாதிக்கப்பட் டுள்ளது.

வெள்ளப்பெருக்கு காரணமாக தலைநகர் கொழும்பு கடுமையாக பாதிக்கப்பட்டுள்ளது. இங்குள்ள பெரும்பாலான சாலைகள் நீரில் மூழ்கி உள்ளன. மழை காரணமாக இதுவரை 11 பேர் உயிரிழந்துள்ளனர். 9 பேரைக் காணவில்லை. ராணுவம் மீட்புப் பணியில் தீவிரமாக ஈடுபட்டுள்ளது. இவ்வாறு அவர் தெரிவித்தார்.

இலங்கை வானிலை ஆய்வு மைய அதிகாரி லலித் சந்திரபாலா கூறும்போது, “குறைந்த காற்றழுத்தம் காரணமாக மழை பெய்தது. இப்போது அந்த காற்றழுத்தம் தென்னிந்தியாவை நோக்கி நகர்ந்துவிட்டது” என்றார்

கத்தாரில் இனி புகைபிடித்தால் 3000 ரியால்கள் வரை தண்டனை.. புதிய சட்டம் அமுல்.

கட்டார் நாட்டில் பொது இடங்களில் புகைபிடிப்பதற்கு எதிரான சட்டமொன்று நேற்று முதல் அமுல் படுத்தப்பட்டுள்ளது.

மேற்படி சட்டத்தையும் மீறி, பொதுயிடங்களில் புகைபிடித்தால் 3000 கட்டார் ரியால்கள் வரை  தண்டமாக செலுத்த வேண்டிய நிலைமை ஏற்படலாம் எனவும் அறிவுறுத்தப்பட்டுள்ளது.

கட்டாரின் சட்டம் மற்றும் சட்டவாக்க விவகார சபைக்கும், புகையிலை உற்பத்தி கட்டுப்பாட்டு ஆணையகத்திற்கும் இடையில் மேற்கொள்ளப்பட்ட உடன்படிக்கையையடுத்தே இம்முடிவு எட்டப்பட்டுள்ளது.

அதேவேளை தமது நிறுவனத்தில் பொதுமக்களுக்கு  புகைபிடிக்க அனுமதி கொடுக்கும் ஊழியர்களுக்கும்  அபராதம் விதிக்கபட உள்ளது.
இதனை நண்பர்களுடன் பகிரவும்.
நன்றி : மடவள நியூஸ்

சாதிக் பாட்ஷாவை கொலை செய்தது யார்? இளைஞர் சொல்லும் திடுக்கிடும் தகவல்!

2 ஜி ஸ்பெக்ட்ரம் ஊழல் வழக்கில் குற்றம் சாட்டப்பட்டிருந்த சாதிக் பாட்ஷாவை, ஆ.ராசாவின் மைத்துனர் மற்றும் முன்னாள் உளவுத்துறை அதிகாரி ஜாஃபர் சேட்டுடன் இணைந்து கொலை செய்ததாக இளைஞர் ஒருவர் தெரிவித்திருப்பது பரபரப்பை ஏற்படுத்தியுள்ளது.

2 ஜி ஸ்பெக்ட்ரம் வழக்கில் குற்றம் சாட்டப்பட்டவரும், மத்திய தொலைத்தொடர்புத் துறை முன்னாள் அமைச்சருமான ஆ.ராசாவின் நெருங்கிய நண்பர் சாதிக் பாட்ஷா கடந்த 2011 ம் ஆண்டு மர்மமான முறையில் உயிரிழந்தார். இந்த வழக்கை சிபிஐ விசாரித்து வருகிறது.

இந்த நிலையில், திருச்சி பத்திரிக்கையாளர் மன்றத்தில் இன்றிரவு திடீரென செய்தியாளர்களை சந்தித்த, அரியலூர் மாவட்டம், அய்யூரை சேர்ந்த பிரபாகரன் என்பவர், தான் "தமிழர் நீதிக்கட்சியின்" தலைவர் சுப.இளவரசனனின் உதவியாளர் என்றும், ஆ.ராசாவின் மைத்துனர் பரமேஸ்குமார், முன்னாள் உளவுத்துறை அதிகாரி ஜாபர்சேட் ஆகியோருடன் சேர்ந்து சாதிக் பாட்ஷாவை கொலை செய்ததாகவும் திடுக்கிடும் தகவலை வெளியிட்டார். தனது உயிருக்கு ஆபத்து இருப்பதால், இந்த ரகசியத்தை தற்போது வெளியிடுவதாகவும் அவர் குறிப்பிட்டார்.

2 ஜி ஸ்பெக்ட்ரம் ஊழல் வழக்கில், அப்போதைய மத்திய அமைச்சர் ஆ.ராசா சிறையில் அடைக்கப்பட்டார். இந்த வழக்கில் துப்பு துலக்க ஆ.ராசாவின் நண்பரும், கிரீன் ஹவுஸ் ப்ரோமோட்டர்ஸ் நிர்வாகியுமான சாதிக் பாட்ஷாவிடம் விசாரணை நடத்த சிபிஐ நடவடிக்கை மேற்கொண்டிருந்தது.

இந்த சூழலில் கடந்த 2011 ஆம் ஆண்டு மார்ச் மாதம், சென்னை தேனாம்பேட்டையில் உள்ள தனது வீட்டில் சாதிக் பாட்ஷா பிணமாகக் கிடந்தார். அவர் தற்கொலை செய்து கொண்டதாக கூறப்பட்ட நிலையில், திமுக புள்ளிகளின் அழுத்தத்தின்பேரிலேயே அவர் தற்கொலை செய்து கொண்டதாக தகவல் வெளியாகியது. இந்த நிலையில், பிரபாகரன் அளித்துள்ள இந்த பேட்டி பரபரப்பை ஏற்படுத்தியுள்ளது.


முழு விவரம்: http://goo.gl/r1vUwC | #2GScam | #ARaja

முஸ்லிம்களுக்கு எதிரான கொள்கை: டொனால்டு டிரம்ப் மீது ஒபாமா தாக்கு.

வாஷிங்டன்,

அமெரிக்க ஜனாதிபதி தேர்தலில் குடியரசு கட்சி சார்பில் உத்தேச வேட்பாளராக அறிவிக்கப்பட்ட டொனால்டு டிரம்ப் கடந்த டிசம்பர் மாதம் பேசும்போது, தான் ஜனாதிபதியானால் அமெரிக்காவில் முஸ்லிம்கள் நுழைவது தடை செய்யப்படும் எனவும் அமெரிக்கா-மெக்சிகோ எல்லையில் சுவர் எழுப்பப்படும் எனவும் கூறியிருந்தார். டிரம்பின் இந்த கருத்து அப்போதே சர்ச்சையை கிளப்பியது.

இந்த நிலையில் அமெரிக்காவின் ரட்கர் பல்கலைக்கழகத்தில் நடந்த நிகழ்ச்சி ஒன்றில் ஜனாதிபதி ஒபாமா கலந்து கொண்டு பேசினார். அப்போது முஸ்லிம்களுக்கு எதிரான டிரம்பின் கொள்கைகளை அவர் தாக்கி பேசினார்.

டிரம்பின் பெயரை நேரடியாக குறிப்பிடாமல் ஒபாமா பேசுகையில், ‘நமது நாட்டுக்கு வரும் முஸ்லிம்களை தனிமைப்படுத்துவதும், இழிவுபடுத்துவதும் நமது மதிப்பீடுகள் இல்லை. இது பிரிவினைவாதத்துக்கு எதிரான போராட்டத்தில் நமது மிக முக்கியமான கூட்டாளிகளான அவர்களை அந்நியப்படுத்தி விடும்’ என்றார்.

அரசியலிலும், பொது வாழ்விலும் புறக்கணிப்பு என்பது ஒரு நல்லொழுக்கமாக இராது என்று கூறிய ஒபாமா, ஒன்றுடன் ஒன்று பின்னிப்பிணைந்துள்ள உலகில், இடையே எழுப்பப்படும் சுவர்களால் எதுவும் மாற்ற முடியாது என்று தெரிவித்தார்.

துபாயில் பணிபுரியும் வாகன ஓட்டுனர்களுக்கு ஒரு எச்சரிக்கை செய்தி!

துபாய்:
Please  Share All.... Exclusive....
துபாய் வாகன ஓட்டுநர்கள்  கவனத்திற்கு: 600 Dirhams பிழை; ஒரு மாதம் வாகனம் பறிமுதல்; 6 black points :
   துபாயில் முக்கிய சாலைகளில் 20 அதிநவீன கண்காணிப்பு Camera-களை
சாலை போக்குவரத்து துறை அதிகாரிகள் புதிதாக வைத்துள்ளனர். சாலை விதிகளை மீறும் நபர்களுக்கு
இதன் மூலம் 600 Dirhams பிழை,ஒரு மாதம் வாகனம் பறிமுதல் மற்றும்  6 black points வழங்கபடும் என்று
போலீஸ் உயர் அதிகாரி தெரிவித்துள்ளார்.
  இதன்படி இந்த அதிநவீன கேமராக்கள்
ஓட்டுநர்களுக்கு கண்ணில் படாதபடி இரகசியமான இடங்களில் பொருத்தியுள்ளது துபாய் போலீஸ் அதிகாரிகள்.
  இதை பொருத்தி வெறும்  இரண்டு மணிநேரத்தில் மட்டும் 134 வாகனங்களை கண்டுபிடித்து பிழை விதித்துள்ளது துபாய் போலீஸ்.
  இந்த தகவலை துபாய் போலீஸ் அதிகார பூர்வமான இணையதளத்தில் இன்று வெளியிட்டுள்ளது.
  இந்த திட்டம் வரும் நாட்களில் துபாயின் அனைத்து இடங்களிலும்
நடைமுறை படுத்த உள்ளதாக  செய்தியில் மேலும் தெரிவிக்கப்பட்டுள்ளது.
   இதை தவிர இந்த கேமராக்கள்
எளிதில் ஒரு இடத்தில் இருந்து மற்றொரு இடத்திற்கு மாற்றி அமைக்க
முடியும் விதத்தில் எளிதாக
வடிவமைக்கப்பட்டுள்ளது.
நன்றி #Kuwait-தமிழ் பசங்க

வாட்ஸாப் கோல்டன் வெர்ஷன்! - இது புது மோசடி! உஷார் மக்களே உஷார்!

உலகையே இணைக்கும் செயலைச் செய்து கொண்டிருக்கும் ஆப்ஸ்- வாட்ஸ் அப், ஃபேஸ்புக், ட்விட்டர். இதில் வாட்ஸ் ஆப், ஃபேஸ்புக் நம் அன்றாடத் தேவைகளில் ஒன்றாகிப் போனது. நம்மில் பலர் இதில் வரும் செய்திகளை அதிகளவு பகிர்ந்து கொள்வோம். அதில் எது உண்மை, எது பொய் என்றே தெரியாது.

Advertisement

ஃபேஸ்புக்கில் பல பொய்யான (fake) தகவல்கள் வருவது போன்றே, வாட்ஸ் ஆப்பிலும் பல தகவல்கள் வரத் தொடங்கின. ஆனால், "ஆட்டைக் கடித்து, மாட்டைக் கடித்து, வாட்ஸ் ஆப்பையே கடித்த" கதையாக 'WhatsApp Golden Version 4.0' எனும் பெயரில் ஒரு போலி தகவல் பரப்பப்படுகிறது. 

• வாட்ஸ் ஆப் வீடியோ கால்
• தெரியாமல் தவறுதலாக அனுப்பிய மெசேஜை டெலீட் செய்து கொள்ளலாம்.
• ஒரே நேரத்தில் 100 படங்களை அனுப்பலாம்.
• ஃப்ரீயாக ஃபோன் கால் செய்யலாம்
• வாட்ஸ் அப்பில் தீம்களை மாற்றலாம்
• இலவசமாக SMS அனுப்பலாம்.
• யார் யார் நம் டி.பி ஸ்டேட்டஸ் பார்த்தார்கள் எனத் தெரிந்து கொள்ளலாம் - இவையெல்லாம் இதன் தனித்தன்மைகள் எனப் 'பீலா' விடுகிறது அந்த தகவல். 

நம் மக்களும் இதைப் பார்த்ததும் Smiley போல மாறி, அந்த லிங்க்கை க்ளிக் செய்கிறார்கள். அப்படி அந்த லிங்க்கை க்ளிக் செய்தால், ஒரு இணைய முகவரிக்குச் செல்லும். டவுன்லோட் செய்யலாம் எனப் பார்த்தால், 15 பேருக்காவது Friend request அனுப்பினால்தான் "Whatsapp version 4.0" ஐ டவுன்லோட் செய்ய முடியும் எனும் செய்தி வரும். இப்படி ஒரு வெர்ஷன் பற்றிய தகவல் அதிகாரப் பூர்வமாக வரவே இல்லையே, பிறகு எப்படி டவுன்லோட் செய்ய முடியும் என யோசிக்கக்கூட நேரமில்லாமல் உடனே 15 பேர் என்ன... 45 பேருக்கு அனுப்புவோம்.

சரி... அனுப்பி விட்டோம், டவுன்லோட் செய்யலாம் எனப் பார்த்தால், நாம் ஒன்றிரண்டு சர்வேக்களில் பங்கெடுத்தால்தான் டவுன்லோட் செய்யும் பக்கம் வரும் என்று காண்பிக்கும். இந்த சர்வேக்காளில், நம் பெயர் முகவரி, இமெயில் ஐ.டி, போன் நம்பர் கேட்கப்படும். இதில், இறுதியாக நம் தகவல்களை வேறு இணையதளங்களுக்குப் பகிர நாம் ஒப்புக் கொள்வது போல செய்தி இருக்கும். இவ்வளவு போராட்டத்திற்குப் பிறகும் "Golden WhatsApp" எட்டாக் கனியாகவே இருக்கும். நாமே அலுத்துப் போய் விட்டுவிடுவோம். பிறகுதான் விளையாட்டே உள்ளது!

தேவையில்லாத கால்கள், மெயில்கள், மெசேஜ்கள் எனப் பலவும் நம்மைத் துரத்தும். மெயிலையோ, மெசேஜையோ திறந்தால் நம் கணினியையும், மொபைலையும் வைரஸ் தாக்கும். நம் அந்தரங்க விஷயங்களை அறிந்து கொள்வதற்கான வாய்ப்பும் உள்ளது. இதில் மிகவும் கொடுமையான விஷயம், "யாம் பெற்ற இன்பம் பெறுக இவ்வையகம்" என்று பலபேருக்கும் இந்த தொல்லை நம்மால் ஏற்பட்டிருக்கும். நிம்மதியாக வாட்ஸ் ஆப்பைப் பயன்படுத்தியவனை இப்படி பிரச்னையில் மாட்டி விட்ட "வாட்ஸ் ஆப்" பாவம் நம்மை சும்மா விடாது என்பதை நினைவில் கொள்ளவும்!

இப்படி செய்பவர்களுக்கு, ஒவ்வொரு Surveyக்கும் கமிஷன் கிடைக்கும். அதோடு இலவசமாக நமக்கு virus!

இதுதான் "WhatsApp Golden Version 4.0" வின் நிலை. யாரும் ஏமாந்துவிட வேண்டாம். வாட்ஸ் ஆப் என்ன அப்டேட் செய்தாலும், அது நமக்கு நம் playstoreல் மட்டுமே தகவலாக வரும். ஆகவே யாரும் நம்பி ஏமாற வேண்டாம். பத்து பத்து போட்டோவாகப் பொறுமையாக அனுப்புவது தவறில்லை. 100 போட்டோ அனுப்ப ஆசைப்பட்டு, மோசம் போய்விடாமல் இருத்தல் நன்று!

நன்றி: ந. ஆசிபா பாத்திமா 

வாரம் ஒரு முறை சுட்ட மீன் சாப்பிட்டால் மூளைக்கு நல்லது.

மீனில் உள்ள, ‘ஒமேகா-3’ என்ற அமிலமானது, நம் உடலுக்கு பலவிதமான நன்மைகளை தர வல்லது என, பலர் அறிந்திருப்பர். ஆனால், அதை விட சிறப்பான தகவல் ஒன்றை, தற்போது, ஆராய்ச்சியாளர்கள் தெரிவித்துள்ளனர். அது யாதெனில், வாரம் ஒரு முறை சுட்ட மீன் சாப்பிட்டால், அது மூளைக்கு நல்லது; அது, திறம்பட செயல்பட உதவும் என்பதே. சுட்ட மீனில், ‘ஒமேகா-3’ அமிலம் இருந்தாலும், அதனால், பிரச்னை ஏற்படாது என்றும், ஆய்வாளர்கள் கூறியுள்ளனர். அவர்கள் மேலும் கூறியுள்ளதாவது:

ஒவ்வொரு வாரமும், சுட்ட மீன் சாப்பிடும் போது, வாழ்க்கையின் பிற்பகுதியில், நினைவுச் சிதைவு பாதிப்பு ஏற்படுவது தவிர்க்கப்படும். அத்துடன், மூளையும் பலம் அடையும்.
சுகாதாரத் துறையினர் எடுத்த கணக்கெடுப்புப்படி பார்த்தால், வரும், 2040ம் ஆண்டில், எட்டு கோடி பேர், நினைவுச் சிதைவு நோயால் பாதிக்கப்படலாம்; 52 லட்சம் பேர், நினைவுத் திறன் இழப்பு நோயால் பாதிக்கப்படலாம் என, மதிப்பிடப்பட்டுள்ளது.

வரும், 2050ம் ஆண்டில், நினைவுத் திறன் பாதிப்புக்கு ஆளாவோர் எண்ணிக்கை, 1.6 கோடியாக அதிகரிக்கலாம் என்றும் நம்பப்படுகிறது. அதனால், மீன் சாப்பிடுவதன் மூலம், இந்த வகை பாதிப்புகளை தவிர்க்கலாம்.

மீனில் உள்ள, ‘ஒமேகா-3’ அமிலத்தால், நோய் எதிர்ப்பு சக்தி கூடி, மூளை பலம் அடையலாம் என, முந்தைய ஆய்வுகளிலேயே தெரிவிக்கப்பட்டுள்ளது. தற்போது, சுட்ட மீன் சாப்பிடுவதன் மூலம், இந்த மகத்துவம் மேலும் அதிகரிக்கும் என்பது கண்டறியப்பட்டுள்ளது.
இவ்வாறு, ஆய்வாளர்கள் கூறியுள்ளனர்.

‘நாங்கள் சைவர்கள் ஆச்சே, நாங்கள் எப்படி சுட்ட மீன் சாப்பிட முடியும்’ என, சில தரப்பினர் கேட்கலாம். மீனில் உள்ள ஒமேகா -3 அமிலச் சத்து போல, சில வகை விதைகள், பருப்புகள், சில வகை எண்ணெய்களிலும், இந்தச் சத்து உள்ளது. அதைச் சாப்பிட்டால், சைவர்களுக்கு, சுட்ட மீன் சாப்பிட்டதன் பலன் கிடைத்து விடும். கவலை வேண்டாம்!

அமெரிக்காவில் இஸ்லாமியர்கள் அமைதிப் பேரணி.

அமெரிக்காவில் இனப் பாகுப்பாட்டை களைய வலியுறுத்தி  ஏராளமான இஸ்லாமியர்கள் பங்கேற்ற இருசக்கர வாகன அமைதிப் பேரணி நியூயார்க் நகரில் நடைபெற்றது.

அமெரிக்க அதிபர் தேர்தலில் குடியரசு கட்சி வேட்பாளராக போட்டியிடும் டொனால்டு டிரம்ப் அந்நாட்டில் உள்ள இஸ்லாமியர்கள் வெளியேற்றப்படுவார்கள் என பிரச்சாரம் செய்து வருகிறார். 

இதனால் அமெரிக்காவில் முஸ்லீம்கள் மீது தாக்குதல் சம்பவங்கள் அதிகரித்து வருவதாக் கூறப்படுகிறது.  

இந்நிலையில்  மத நல்லிணக்கத்தை வலியுறுத்தி ஏராளமான இஸ்லாமியர்கள் பங்கேற்ற இருசக்கர வாகன அமைதிப் பேரணி நடைபெற்றது. 

அப்போது முஸ்லீம்கள் மீதான இன பாகுப்பாட்டை களைய வலியுறுத்தும் பதாகைகளை ஏந்தியும், தேசிய ஒற்றுமையை வலியுறுத்தும் முழக்கங்களை எழுப்பியும் ஏராளமானோர் பேரணியில் சென்றனர்

பிளஸ் 2 தேர்வு முடிவுகள் வெளியானது : இருவர் முதலிடம்.

பிளஸ் 2 தேர்வுக்கான முடிவுகளை அரசுத் தேர்வுத்துறை இன்று வெளியிட்டது. இதில் மாநில அளவில் 1200 மதிப்பெண்களுக்கு 1195 மதிப்பெண்கள் பெற்று ஆர்த்தி என்ற மாணவியும், யஷ்வந்த் என்ற மாணவரும் முதலிடம் பெற்றுள்ளனர். கிருஷ்ணகிரி மாவட்டம் ஊத்தங்கரை வித்யா மந்திர் பள்ளி மாணவி ஆர்த்தியும், ஊத்தங்கரையைச் சேர்ந்த மாணவன் யஷ்வந்த்தும் 1195 மதிப்பெண்கள் பெற்று முதலிடம் பெற்றுள்ளனர். பிளஸ் 2 தேர்வு முடிவுகளை தேசிய தகவல் மையங்கள், மாவட்ட மைய மற்றும் கிளை நூலகங்களிலும் காண ஏற்பாடுகள் செய்யப்பட்டுள்ளன.

வாக்குப்பதிவு நிலவரம் [மாவட்ட வாரியாக]

வாக்குப்பதிவு நிலவரம் [மாவட்ட வாரியாக]

திருவாரூர்- 62.73%
ஈரோடு-63.07%
நாகப்பட்டினம்- 60%
விருதுநகர்-62.09%
சிவகங்கை-58.06%
கடலூர்-54.74%
மதுரை-61.52%
காஞ்சிபுரம்-59.00%
ராமநாதபுரம்- 52.60%
திருப்பூர்- 59.57%
பெரம்பலூர்- 68.66%
புதுக்கோட்டை-64.60%
நெல்லை-59.57%
திருச்சி-59.00%
தேனி: 63.73%
தஞ்சாவூர்: 69.00%
அரியலூர்: 70%
திருவள்ளூர்: 60.63%
நீலகிரி-52.28%
சேலம்- 63.16%

அரவக்குறிச்சியை தொடர்ந்து தஞ்சை சட்டமன்ற தொகுதிக்கான தேர்தலும் ஒத்திவைக்கப்பட்டுள்ளது.

அரவக்குறிச்சியை தொடர்ந்து தஞ்சை சட்டமன்ற தொகுதிக்கான தேர்தலும் ஒத்திவைக்கப்பட்டுள்ளது. 

கரூர் மாவட்டம் அரவக்குறிச்சி தொகுதியில் அளவுக்கு அதிகமாக பண வினியோகம் இருப்பதாகக் கூறி, அத்தொகுதியின் வாக்குப்பதிவை மே 23-ம் தேதிக்கு தேர்தல் ஆணையம் ஏற்கனவே ஒத்திவைத்திருந்தது. 

இதனிடையே தஞ்சை சட்டமன்ற தொகுதிக்கான தேர்தலையும் தேர்தல் ஆணையம் ஒத்திவைத்துள்ளது. இந்த தொகுதியிலும் வாக்குப்பதிவு வரும் 23ம் தேதி நடைபெறும் என அறிவிக்கப்பட்டுள்ளது. 

வாக்களர்களுக்கு பணம் மற்றும் பரிசு பொருட்கள் பட்டுவாடா செய்யப்பட்டதாக வந்த புகார்களை அடுத்து தேர்தல் ஆணையம் இந்த நடவடிக்கைய எடுத்துள்ளது. 

அரவக்குறிச்சி மற்றும் தஞ்சை தொகுதிகளில் பதிவாகும் வாக்குகள் வரும் 25ம் தேதி எண்ணப்பட்டு முடிவுகள்.

இலவச வாக்குறுதி.. திமுக, அதிமுகவுக்கு தேர்தல் ஆணையம் நோட்டீஸ்: நாளைக்குள் பதிலளிக்குமாறு உத்தரவு.

சென்னை: தேர்தல் அறிக்கையில் அறிவிக்கப்பட்டுள்ள இலவசங்களுக்கான பணம் எங்கிருந்து வருகிறது என விளக்கம் கேட்டு திமுக, அதிமுக கட்சிகளுக்கு தேர்தல் ஆணையம் நோட்டீஸ் அனுப்பியுள்ளதாக தமிழக தலைமை தேர்தல் அதிகாரி ராஜேஷ் லக்கானி தெரிவித்தார்.
திமுகவின் தேர்தல் அறிக்கையில் மாணவர்களின் கல்விக் கடன், விவசாயிகளின் கூட்டுறவுக் கடன் ரத்து உள்ளிட்ட பல்வேறு அறிவிப்புகள் இடம் பெற்றுள்ளன.

இதேபோல அதிமுகவின் தேர்தல் அறிக்கையில் 100 யூனிட் வரை இலவச மின்சாரம், அனைத்து குடும்ப அட்டைதாரர்களுக்கும் விலையில்லா கைப்பேசி உள்ளிட்ட அறிவிப்புகள் இடம்பெற்றுள்ளன. இந்த இலவச அறிவிப்புகள் குறித்து தேர்தல் ஆணையத்துக்கு புகார் அளிக்கப்பட்டுள்ளது.
இதன் அடிப்படையில் விளக்கம் கேட்டு திமுக, அதிமுக ஆகிய கட்சிகளுக்கு தேர்தல் ஆணையம் சார்பில் நோட்டீஸ் அனுப்பப்பட்டுள்ளது என தமிழக தலைமை தேர்தல் அதிகாரி ராஜேஷ் லக்கானி தனியார் தொலைக்காட்சிக்கு அளித்த பேட்டியில் கூறினார்.
மேலும், இது தொடர்பாக சம்பந்தப்பட்ட அரசியல் கட்சியினர் நாளைக்குள் விளக்கம் அளிக்குமாறு கேட்டுக் கொள்ளப்பட்டுள்ளனர் என்று அவர் தெரிவித்தார்.

tamil.oneindia.com

மமக வேட்பாளர் ஜவாஹிருல்லாவிற்கு கீழக்கரை நகராட்சி தலைவர் கண்டனம்

கீழக்கரை மக்களின் ஓட்டுக்களை எப்படியாவது பெற்று விடவேண்டும் என்ற நோக்கத்தில் கீழக்கரை நகராட்சி பகுதியில் செய்யாத வேலைகளை எல்லாம் நான் செய்தேன் என்று பொய் பிரச்சாரம் செய்தும் அறிக்கை வெளியிட்டு வருவதாக ராமநாதபுரம் சட்டமன்ற தொகுதிக்கு போட்டியிடும் தி.மு.க கூட்டணி ம.ம.க வேட்பாளர் ஜவாஹிருல்லாவை அதிமுகவை சேர்ந்த கீழக்கர நகராட்சி தலைவர் ராவியத்துல் கதரியா கண்டித்து அறிக்கை வெளியிட்டுள்ளார்

இதுகுறித்து அவர் தெரிவித்திருப்பதாவது,

கீழக்கரை நகராட்சிக்குட்பட்ட உரக்கிடங்கில் நமக்கு நாமே திட்டம் (2009&2010) மூலம் 20லட்சம் மதிப்பீட்டில் டென்டர் விடப்பட்டு சுற்றுசுவர் கட்டப்பட்டது, ஆனால் அதை 41லட்சத்தில் தான் முயற்சி மேற்கொண்டு கட்டியதாக அவர் தெரிவித்துள்ளார்.

கீழக்கரையை தலைமையிடமாக கொண்டு தனிதாலுகா அமைவதற்கு ராமநாதபுரம் அ.தி.மு.க பாராளுமன்ற உறுப்பினர் அன்வாராஜா, மாவட்ட செயலாளர் மற்றும் என்னுடைய தொடர் முயற்சியால்தான் கீழக்கரையை தனி தாலுகாவாக முதல்வர் அம்மா அவர்கள் செயல்படுத்தினார், இதற்காக ஜவாஹிருல்லாஹ் எந்த வித முயற்சியும் மேற்கொள்ளவில்லை.

ராமநாதபுரம்&கீழக்கரை சாலையில் மேம்பாலம் அமைக்க வேண்டும் என்று சட்டமன்றத்தில் பலமுறை குரல் கொடுத்ததாகவும் தமிழக முதல்வர் ஜெயலலிதா அதற்கு செவிசாய்க்கவில்லை என்றும் பொய்யான பிரச்சாரம் செய்கின்றார், தமிழக முதல்வர் தமிழகத்தில் பல இடங்களில் ரயில்வே மேம்பாலம் அமைத்துவருகின்றார் ராமநாதபுரம் மாவட்டம் பரமக்குடியில் மேம்பாலம் அமைக்கப்பட்டு திறப்பு விழாவும் முடிந்து விட்டது அடுத்து ராமநாதபுரம்&கீழக்கரை சாலையிலும், உச்சிப்புளி& ராமேஸ்வரம் சாலையிலும் ரயில்வே மேம்பாலங்கள் அமைக்க போவதாக முதல்வர் சட்டமன்றத்தில் அறிவித்துள்ளார். ஆகவே இதுவும் உண்மைக்கு புறம்பானது.

கீழக்கரை நகராட்சிக்குட்பட்ட பகுதிகளில் சாலை பணிகள் உட்பட அனைத்து பணிகளும் நகராட்சி பொது நிதியிலிருந்துதான் செய்யப்பட்டுள்ளது, ஆனால் ஜவாஹிருல்லா தன்னுடைய நிதியிலிருந்து செய்துள்ளதாக அறிக்கை வெளியிட்டுள்ளது முற்றிலும் உண்மைக்கு புறம்பானது.

ஆகவே அ.தி.மு.க தலைமையிலான தமிழக அரசுக்கும், கீழக்கரை நகராட்சிக்கும் கெட்ட பெயர் ஏற்படுத்தும் விதமாக அறிக்கை விட்டிருப்பதை நான் நகராட்சி தலைவர் என்ற முறையில் வன்மையாக கண்டிக்கின்றேன் இவ்வாறு கூறினார்.
http://kaalaimalar.net/jawahirulla-was-condemned/

தெரியாத ஆண்களுடன் கை குலுக்கிய ஈரான் பெண் எம்.பி.யின் பதவி பறிப்பு.

தெக்ரான்

ஈரானை சேர்ந்த பெண் எம்.பி. மினோ கலேகி. கடந்த பிப்ரவரி மாதம் நடந்த இஷ்பகான் தொகுதிக்கு நடந்த பாராளுமன்ற தேர்தலில் தான் வெற்றி பெற்று இருந்தார்.
இந்த நிலையில் அவர் தலையை மறைக்கும் துணி (கெட்ஸ்கார்ப்) அணியாத போட்டோக்கள் இணைய தளங்களில் பரவியது. அவர் ஐரோப்பிய நாடுகள் மற்றும் சீனா சென்றிருந்த போது எடுக்கப்பட்ட போட்டோக் களாகும். மேலும் தொடர்பில்லாத மனிதர்களுடன் கைகுலுக்கியதாகவும் கூறப்பட்டது.

வெளியிடங்களுக்கு செல்லும் ஈரான் பெண்கள் தலையை மறைக்கும் துணி அணிவது கட்டாயமாகும்.மேலும் அன்னியர்களுடன் கைகுலுக்கும்வதும் இஸ்லாமிய சட்டபடி தவறாகும் இது குற்றமாக கருதப்படு கிறது. எனவே, இது குறித்து அவரிடம் விசாரணை நடத்தப்பட்டது.

அப்போது இந்த போட்டோக்கள் போலியானவை. அரசியல் காழ்ப்புணர்ச்சி காரணமாக இது போன்ற நடவடிக்கையில் ஈடுபட்டுள்ளனர் என தெரிவித்தார். அதை பிரச்சினை தீர்ப்பாயை கமிட்டி விசாரணை நடத்தியது. அதில் அவர் மீதான குற்றம் நிரூபிக்கப்பட்டதாக தீர்ப்பு வழங்கியது. எனவே மினோ கலேகியின் எம்.பி. பதவி ஏற்க முடியாது என அறிவித்தது. அவரது பதவி பறிக்கப்பட்டதாகவும் தெரிவிக்கப்பட்டுள்ளது.

ஒலிம்பிக் நல்லெண்ண தூதராக இசையமைப்பாளர் ஏ.ஆர்.ரகுமான் நியமனம்.

புதுடெல்லி,

  இந்திய அணியின் நல்லெண்ண தூதராக பிரபல இசையமைப்பாளர் ஏ.ஆர்.ரகுமான் அறிவிக்கப்பட்டுள்ளார்.

31-வது ஒலிம்பிக் போட்டி பிரேசில் நாட்டின் ரியோ நகரில் இந்த ஆண்டு ஆகஸ்ட் மாதம் 5-ம் தேதி முதல் 21-ம் தேதி வரை நடைபெற உள்ளது.  இந்த போட்டியில் இந்திய வீரர்கள் உள்பட உலகின் பல நாடுகளில் இருந்து விளையாட்டு வீரர்கள், வீராங்கனைகள் கலந்து கொள்ள உள்ளனர். இந்நிலையில் ஒவ்வொரு நாட்டின் அணிக்கும் நல்லெண்ண தூதுவர் ஒருவரை அந்தந்த நாடுகளின் பிரபலங்கள் நியமனம் செய்யப்படுவது வழக்கம்.

அதன் அடிப்படையில் இந்திய அணியை ஊக்குவிக்கும் விதமாக நல்லெண்ண தூதுவராக ஏ.ஆர். ரகுமான்  நியமிக்கப்பட்டுள்ளார்.

இதற்கு முன்னர் கிரிக்கெட் வீரர் சச்சின் தெண்டுல்கர், துப்பாக்கிச் சுடுதல் வீரர் அபினவ் பிந்த்ரா, பாலிவுட் நடிகர் சல்மான் கான் ஆகியோர் இந்த பொறுப்பில் இருந்துள்ளனர் என்பது நினைவுகூறத்தக்கது.

புத்த மதத்திற்கு விடைகொடுத்து, இஸ்லாத்தில் இணைந்த சீன பேராசிரியர்.

படத்தில் நீங்கள் பார்க்கும் சகோதரர் சீனாவை சார்ந்தவர்.
துபை கல்வி நிறுவனம் ஒன்றி பேரசிரியராக பணியாற்றி வருகிறார்.

தன்னுடன் பணியாற்றும் முஸ்லிம் நண்பர்களின் நற்பண்புகளால் கவரபட்ட இவர் இஸ்லாத்தை பற்றி ஆய்வு செய்ய தொடங்கினார்.

இறுதியில் இஸ்லாமே உண்மை மார்க்கம் கடவுளின் மார்க்கம் வெற்றியின் மார்க்கம் என்பதை அறிந்து கொண்ட அவர் துபை இஸ்லாமிய தகவல் மையத்திர்கு வந்து தன்னை இஸ்லாத்தில் இணைத்து கொண்டார்.

பட்டுக்கோட்டையில் அரசு ஊழியர்கள் மறியல் ஆளுங்கட்சியினர் அதிர்ச்சி

பட்டுக்கோட்டை, : தஞ்சை மாவட்டம் பட்டுக்கோட்டை அரசு ஆண்கள் மேல்நிலைப்பள்ளியில் வாக்குச்சாவடிகளில் பணியாற்ற அரசு ஊழியர்களுக்கு பயிற்சி வகுப்பு நேற்று நடந்தது. அரசு அலுவலர்களுக்கு நடைபெறும் பயிற்சி வகுப்பிலேயே தபால் வாக்களிப்பதற்காக வாக்குப்பெட்டி வைக்கப்பட்டுள்ளது. ஆனால் வாக்குச்சாவடிகளில் பணியாற்ற வந்த அரசு ஊழியர்களில் பெரும்பாலானோருக்கு தபால் ஓட்டு போடுவதற்கான பேலட் பேப்பர் கொடுக்கவில்லை.

இதனால் 500க்கும் மேற்பட்ட அரசு ஊழியர்கள் பயிற்சி வகுப்பை புறக்கணித்து வெளிநடப்பு செய்து பட்டுக்கோட்டை அரசு ஆண்கள் மேல்நிலைப்பள்ளி சாலையில் மறியலில் ஈடுபட்டனர். இதுகுறித்து தகவல் அறிந்து சம்பவ இடத்துக்கு வந்த தேர்தல் நடத்தும் அலுவலர்களை முற்றுகையிட்டு அரசு ஊழியர்கள் போராட்டம் நடத்தினர். அப்போது அரசு ஊழியர்கள் வாக்களிக்க உரிய நடவடிக்கை எடுப்பதாக தேர்தல் நடத்தும் அலுவலர் ராஜசேகர் உறுதியளித்தார். இதனால் போராட்டம் கைவிடப்பட்டது.

தகவல் அறிந்ததும் பட்டுக்கோட்டை சட்டமன்ற தொகுதி காங்கிரஸ் வேட்பாளர் மகேந்திரன் வந்து விசாரித்தார். அப்போது சட்டமன்ற தேர்தலில் ஆளும்கட்சிக்கு எதிராக அரசு ஊழியர்கள் இருப்பது தெரிந்து தபால் வாக்குகளை தடுப்பதற்காக பேலட் பேப்பர் அனுப்பவில்லை. அனைவரும் வாக்களிக்க வேண்டுமென தேர்தல் கமிஷன் கூறுகிறது.

ஆனால் அரசு ஊழியர்களுக்கு பேலட் பேப்பர் தராதது வருத்தத்துக்குரியது. இதை பார்க்கும்போது ஆளும்கட்சிக்கு ஆதரவாக தேர்தல் கமிஷன் செயல்படுகிறதா என்ற சந்தேகத்தை ஏற்படுத்தியுள்ளது. இதற்கு நடவடிக்கை எடுக்காவிட்டால் ஆளும்கட்சி வேட்பாளரை தவிர்த்து அனைத்து கட்சியை சேர்ந்த வேட்பாளர்களும் ஒன்றாக சேர்ந்து போராட வேண்டிய நிலை உருவாகும் என்றார்

விமான நிலையத்தில் பெண்ணிடம் 2 கிலோ தங்க பிஸ்கட்டுகள்

சென்னை விமான நிலையத்தில் பெண் பயணியிடம் இருந்து, இரண்டரை கிலோ தங்க பிஸ்கட்டுகள் பறிமுதல் செய்யப்பட்டுள்ளன.

குவைத்தில் இருந்து சென்னை வரும் விமானத்தில் தங்கம் கடத்தி வரப்படுவதாக, சுங்கத்துறையினருக்கு ரகசிய தகவல் கிடைத்தது. இதனை அடுத்து இன்று காலை சென்னை வந்த விமான பயணிகளிடம் சோதனை நடத்தப்பட்டது.

அப்போது ஆந்திர மாநிலம் ராஜபேட்டையை சேர்ந்த லட்சுமி தேவி என்ற பெண், தனது உடை மற்றும் கைப்பையில் தங்க பிஸ்கட்டுகளை மறைத்து வைத்திருந்தது தெரியவந்தது. இரண்டரை கிலோ எடையுள்ள அந்த தங்கத்தின் மதிப்பு சுமார் 75 லட்சம் ரூபாய் இருக்கும் என கூறப்படுகிறது. அவற்றை பறிமுதல் செய்த சுங்கத்துறையினர், பெண் பயணி லட்சுமி தேவியிடம் விசாரணை மேற்கொண்டுள்ளனர்

இஸ்லாமிய மதபோதகரிடம் பகிரங்கமாக மன்னிப்புக்கேட்ட டேவிட் கமெரூன்

பிரித்தானியாவை சேர்ந்த இஸ்லாமிய மதபோதகர் ஒருவரை ஐ.எஸ் தீவிரவாதிகளுடன் இணைத்து பேசியதற்காக அந்நாட்டு பிரதமரான டேவிட் கமெரூன் பகிரங்கமாக மன்னிப்பு கோரியுள்ளார்.

பிரித்தானியாவில் இஸ்லாமிய கொள்கைகளை போதித்து வரும் சுலைமான் கனி என்பவர் குறித்து கடந்த ஏப்ரல் மாதம் நடைபெற்ற நாடாளுமன்ற கூட்டத்தில் பிரதமர் கமெரூன் பரபரப்பு கருத்து ஒன்றை தெரிவித்துள்ளார்.

அப்போது, ‘இஸ்லாமிய மதபோதகரான சுலைமான் கனி என்பவர் ஐ.எஸ் தீவிரவாத அமைப்பிற்கு ஆதரவாக செயல்பட்டு வருகிறார்’ என பகிரங்கமாக குற்றம் சாட்டினார்.

பிரதமரை தொடர்ந்து பாதுகாப்பு செயலாளரான மைக்கேல் ஃபாலனும் இதனை உறுதிப்படுத்தி பேசியுள்ளார்.

நாடாளுமன்றத்தில் பிரதமரின் குற்றச்சாட்டால் அதிர்ச்சி அடைந்த சுலைமான் கனி தனது வழக்கறிஞர்கள் மூலம் பிரதமர் மற்றும் பாதுகாப்பு செயலாளர் மீது வழக்கு தொடர்வது குறித்து ஆலோசனை மேற்கொண்டு வந்துள்ளார்.

இந்நிலையில், சில தினங்களுக்கு முன்னர் பாதுகாப்பு செயலாளர் தனது கருத்திற்கு மன்னிப்பு தெரிவித்தார்.

பாதுகாப்பு செயலாளரை தொடர்ந்து பிரதமர் கமெரூனும் சுலைமான் கனியை ஐ.எஸ் தீவிரவாத அமைப்புடன் இணைத்து பேசியதற்காக மன்னிப்பு கோருவதாகவும், இடையில் நிகழ்ந்த தவறான புரிதலுக்காக தான் வருத்தம் தெரிவித்துக் கொள்வதாக பிரதமர் கமெரூன் தெரிவித்துள்ளார்.⁠⁠⁠