ஓமனில் எலட்க்ரிகல் டெக்னீஷியன்களுக்கு வேலைவாய்ப்பு

Updated: January 22, 2016

ஓமன் நாட்டிலுள்ள ஒரு முன்னணி நிறுவனத்திற்கு எலக்ட்ரிகல் டெக்னீஷியன்கள் உடனடியாகத் தேவைப்படுகிறார்கள் என்று தமிழக அரசு தெரிவித்துள்ளது.

இது தொடர்பாக இன்று தமிழக அரசு வெளியிட்ட செய்திக்குறிப்பில், ''ஓமன் நாட்டிலுள்ள ஒரு முன்னணி நிறுவனத்திற்கு 21 முதல் 35 வயதிற்குட்பட்ட டிப்ளமோ / ஐடிஐ தேர்ச்சியுடன் குறைந்தபட்சம் மூன்று வருட அனுபவம் மேலும் டவர் (Tower) மற்றும் போல் (Pole) தொடர்பில் அனுபவம் உள்ள எலக்ட்ரிகல் டெக்னீஷியன்கள் உடனடியாகத் தேவைப்படுகிறார்கள்.

தேர்தெடுக்கப்படுபவர்களுக்கு தகுதி மற்றும் அனுபவத்திற்கேற்ப ஊதியம், இலவச இருப்பிடம், மருத்துவம் மற்றும் காப்பீடு முதலியவை வேலையளிப்போரால் வழங்கப்படும்.

எனவே, மேற்குறிப்பிட்ட தகுதியுள்ளவர்கள், தங்களின் கல்வி, அனுபவம், பாஸ்போர்ட் மற்றும் வண்ணப் புகைப்படத்துடன் கூடிய சுயவிபரங்களை அயல்நாட்டு வேலைவாய்ப்பு நிறுவனத்தின் omcresum@gmail.com என்ற மின்னஞ்சல் முகவரிக்கு உடனடியாக அனுப்பி வைக்குமாறு கேட்டுக் கொள்ளப்படுகிறார்கள்.

மேலும் விவரங்களுக்கு 044-22505886/22502267/08220634389 என்ற தொலைபேசி மற்றும் கைபேசி எண்கள் மூலமாகவோ அல்லது omcmanpower.com என்ற இந்நிறுவன வலைதளத்திலும் அறிந்து கொள்ளலாம்'' என்று தெரிவிக்கப்பட்டுள்ளது.